նախընտրելի դարձնելԱջակողմյան ղեկով մեքենաների վարորդները հավաքվել են կառավարության շենքի մոտ՝ որոշելու իրենց հետագա անելիքները։ Հիշեցնենք, որ նախօրեին կառավարությունը հաստատել է նախագիծը, որով ապրիլի 1–ից սահմանափակվելու է աջ ղեկով մեքենաների ներկրումը եւ գրանցումը:
«Լոգոս» իրավապաշտպան ՀԿ–ի նախագահ Արա Մելիքջանյանի NEWS.am-ի հետ զրույցում նշել էր, որ իրենք առաջարկների փաթեթ էին մշակել, բայց ուրբաթը շաբաթից շուտ եկավ, երբ կառավարությունը առաջ ընկավ եւ որոշում կայացրեց:
«Մենք գիտեինք, որ այս հարցը կառավարության նիստի օրակարգում ներառված չի եղել, բայց ռիսկ տեսել ենք, որ օրակարագից րոպեներ առաջ այն ընդգրկվի օրակարգում։ Չէինք հավատում, որ նախարարությունը կարող է այդպես անազնիվ գտնվեր ու խաբեր բոլորին։ Ասում են՝ եկեք բանակցենք, լսենք ձեր առաջարկները, բայց առաջարկները չլսելով՝ քայլ են կատարում, այսինքն՝ խաբում են ժողովրդին»,-ասել էր նա:
