նախընտրելի դարձնելԱՄՆ-ի օդանավակայաններում անձնագրային վերահսկողությունը խստացել է։ Անվտանգության աշխատակիցները լիազորվել են առգրավել ուղեւորների ցանկացած գաջեթ, եթե դրանց գաղտնաբառը չտրամադրվի, հաղորդում է The Sun-ը։
Նախկինում սահմանապահներն իրավունք ունեին արագ ստուգել միացված նոթբուքերը եւ սմարթֆոնները եւ ուղեւորներին ուղարկել հետագա ստուգման: «Ճանապարհորդները պարտավոր էին ներկայացնել էլեկտրոնային տեխնիկան եւ նրանցում պարունակվող տեղեկությունը, որը թույլ էր տալիս ստուգել տեխնիկան եւ դրա բովանդակությունը»,-ասվում է նոր կանոններում:
Այն դեպքում, երբ օտարերկրացիները հրաժարվեն տրամադրել լրիվ հասանելիություն իրենց գաջեթում եղած տեղեկությանը, նրանց կարող են մերժել ԱՄՆ տարածք մուտք գործել կամ առգրավվել սարքը:
Առաջին հերթին՝ ԱՄՆ-ի Անվտանգության ծառայությունը ստուգում է ահաբեկիչների հետ օտարերկրացիների հնարավոր կապը, նրանց կողմից մանկապղծության, արտահանման վերահսկման կանոնների եւ մտավոր սեփականության իրավունքի խախտումների հնարավորությունը:
