նախընտրելի դարձնելԻսրայելի վարչապետ Բենիամին Նեթանյահուն մտադիր է Շվեյցարիայի Դավոս քաղաքում Ֆրանսիայի նախագահ Էմանուել Մակրոնին եւ Գերմանիայի կանցլեր Անգելա Մերկելիին զգուշացնել, որ իրենք ունեն ընդամենը մի քանի շաբաթ` Իրանի միջուկային ծրագրի վերաբերյալ Գործողությունների համատեղ համապարփակ ծրագրում (ԳՀՀԾ) դրույթների էական փոփոխությունների համար: Իսրայելի կառավարության ղեկավարն այս մասին ասել է մինչ Դավոսի միջազգային տնտեսական համաժողովին մեկնելը, հաղորդում է ՏԱՍՍ-ը:
«Ես թռչում եմ Դավոս, որտեղ այլ ղեկավարներից բացի, կհանդիպեմ նաեւ Մակրոնի եւ Մերկելի հետ,- ասել է Նեթանհայուն,- ես կասեմ նրանց, որ առաջիկա շաբաթներին նրանք դեռ հնարավորություն ունեն էական, այլ ոչ կոսմետիկ փոփոխություններ մտցնել Իրանի հետ վտանգավոր միջուկային գործարքում»:
Վարչապետը հավելել է, որ «ցանկացած դեպքում՝ համաձայնագրով կամ առանց համաձայնգրի, Իսրայելի քաղաքականությունը կայանում է նրանում, որպեսզի կանխի Իրանի ահաբեկչական ռեժիմի մոտ միջուկային զենքի առկայութունը, որը կվտանգի Իսրայելը, Մերձավոր Արեւելքը եւ ողջ աշխարհը»: Իսրայելի վարչապետի հայտարարությունը երեքշաբթի տարածել է նրա մամուլի ծառայությունը:
