Կալիֆորնիայի Սենատի անդամ Էնթոնի Պորտանտինոն նամակ է հղել Սենատի եւ Համագումարի իր գործընկերներին՝ կոչ անելով նրանց դիմադրել Ադրբեջանի կողմից տարվող լոբբինգին:

Պորտանտինոն մտահոգված է Լոս Անջելեսի Սակրամենտոյում Ադրբեջանի կառավարության ներկայությամբ: Վերջերս Կալիֆորնիա-Ադրբեջան բարեկամության ասոցիացիան քաղաքական եւ ակադեմիական առաջնորդների հետ աշխատանք է սկսել հասարակության հետ կապերի եւ լոբբիստական գործունեության վերաբերյալ:

Անցյալ տարի Ադրբեջանը դեմ էր հանդես եկել Կալիֆորնիայի, Հայաստանի եւ Լեռնային Ղարաբաղի միջեւ համագործակցության մասին Սենատի ժամանակավոր հանձնաժողով ստեղծելու վերաբերյալ Պանտանտինոյի նախաձեռնությանը: Սենատոր Պորտանտինոն ակտիվորեն պաշտպանում էր Կալիֆորնիայի եւ Լեռնային Ղարաբաղի միջեւ տնտեսական հարաբերությունների զարգացումը:

«Որպես եկրում խոշորագույն հայ համայնքի հպարտ ներկայացուցիչ՝ ես չափազանց մտահոգված եմ Սակրամենտոյում ադրբեջանական լոբբիստական գործընթացի ակտիվացման կապակցությամբ: Որպես օրենսդիր մարմին՝ մենք պետք է համախմբվենք եւ պայքարենք մարդու իրավունքների հանդեպ ոտնձգությունների եւ խաղաղ ու ինքնիշխան պետության հանդեպ չհրահրված ագրեսիայի դեմ»,- մեկնաբանել է սենատորը:

Կալիֆորնիայի սենատորը երկար ժամանակ պայքարել է հայ համայնքի քաղաքացիական իրավունքների համար: «Օրենսդիր իշխանությունը պետք է խստորեն դատապարտի քաղաքացիական իրավունքների խախտումներն ու օտար երկրների իշխանությունների հարձակումներն անմեղ մարդկանց վրա եւ հետևաբար հրաժարվի համագործակցել նման երկրների հետ, քանի դեռ հաշտեցման փորձ չի արվել: Կալիֆորնիա-Ադրբեջան բարեկամության ասոցիացիային միանալը փաստացիորեն արդարացնում է Ադրբեջանի իշխանությունների կողմից բռնության ակտերը Արցախի հայ ժողովրդի դեմ», - եզրափակել է սենատորը: