Մանսագետները նոր բոտնետ են հայտնաբերել, որը վարակում է Android օպերացիոն համակարգով աշխատող սարքերը, փոխանցում է «Լենտա»-ն՝ վկայակոչելով Bleeping Computer-ը: Բոտնետը ուղղված է բաց պորտերի որոնմանը, այդ թվում նաեւ՝ 5555 պորտի, որն օգտագործվում է Android համակարգի կարեւոր բաղադրիչի կողմից եւ մուտք է տալիս դեպի հիմնական գործառույթները: Մուտք գործելով սարքի մեջ՝ վնասատու ծրագիրը ստիպում է դրան Monero կրիպտոարժույթ հայթայթել:

Ըստ QiHo 360 կազմակերպության՝ բոտնետը հայտնաբերած հետազոտողների՝ վտանգը սպառնում է Android-ով աշխատող բոլոր սարքերին` սմարթֆոններից մինչեւ խելացի տեխնիկա:

Մասնագետների տվյալներով՝ արդեն իսկ մոտ 7.4 հազար սարք է վարակվել, իսկ ինքը՝ բոտնետը, աճում է տպավորիչ տեմպերով: Տուժած սարքերի մեծ մասը դեռ Չինաստանում (մոտ 40 տոկոսը) եւ Հարավային Կորեայում է (մոտ 30 տոկոս):