նախընտրելի դարձնել
2011 թվականը վերջիններից դիմավորեցին Նյու Յորքում: Ավանդույթի համաձայն, հանդիսությունների կենտրոնը դարձավ Թայմս-սքվերը:
Բրազիլիայում գլխավոր իրադարձությունները կայացան Ռիոյի Կոպակաբանա ծովափին:
Եվրոպայում ամենացնցող հրավառությունը Լոնդոնում էր, Թեմզայի ափին:
Փարիզում տասնյակ հազարավոր մարդիկ հավաքվել էին Էյֆելյան աշտարակի մոտ:
Նոր տարին շքեղ դիմավորեցին Արաբական Էմիրություններում: Դուբայում գտնվող աշխարհի ամենաբարձր երկնաքերը` Բուրջ Խալիֆը լուսավորվել է հազարավոր կրակներով:
Թայվանի մայրաքաղաք Թայբեյում գլխավոր աշտարակը եւս հրավառության գլուխգործոցի է վերածվել:
Հոնկոնգում տասնյակ հազարավոր մարդիկ հավաքվել են Վիկտորիա ծոցի ափին` տոնական հրավառությունն ավելի լավ տեսնելու համար:
Ճապոնիայում հսկայական զանգի հետհաշվարկից հետո երկինք են խոյացել հազարավոր փուչիկներ:
Սիդնեյում մատուցվող հրավառությունն ամենաթանկերից է աշխարհում: Իսկ առաջինը Նոր տարին դիմավորում է Նոր Զելանդիայի Օքլենդ քաղաքի ավանդական հրավառությունը, հաղորդում է Vesti.ru-ն:
