նախընտրելի դարձնելԱդրբեջանում հայտարարում են գերված քաղաքացիների փոխանակման հնարավորության մասին։
Այս մասին լրագրողների հետ զրույցում հայտարարել է Գերիների, պատանդների եւ անհայտ կորածների հարցերով պետական հանձնաժողովի աշխատանքային խմբի ղեկավար Իսմայիլ Ախունդովը, փոխանցում է haqqin.az-ը։
«Նրանց (հայերի) փոխանակման առաջարկները նախկինում էլ են եղել։ Մենք պատրաստ ենք աշխատել եւ առաջ շարժվել այդ ուղղությամբ», -շեշտել է Ախունդովը։ Միեւնույն ժամանակ, Պետկոմիտեի քարտուղարը նշել է Շահբազ Գուլիեւի եւ Դիլհամ Ասկերովի վերադարձի շուրջ ջանքերի շարունակման մասին․ «Աշխատանքն այս ուղղությամբ շարունակվում է: Այս հարցը գտնվում է Ադրբեջանի նախագահ Իլհամ Ալիեւի եւ առաջին փոխնախագահ Մեհրիբան Ալիեւայի ուշադրության կենտրոնում», -հայտնել է նա։
Հիշեցնենք, որ ներկայումս Ադրբեջանում են գտնվում ԼՂՀ եւ Հայաստանի մեկական քաղաքացիներ։ Լեռնային Ղարաբաղում Ադրբեջանի երեք քաղաքացիներ կան ներկայումս։
