ԵՄ-ի միջազգային եւ քաղաքական անվտանգության հարցերով բարձրագույն ներկայացուցիչ Քեթրին Էշթոնը  երեքշաբթի օրը` հունվարի 11-ին,  պահանջել է, որպեսզի չեղյալ համարվի իրանցի հայտնի ռեժիսոր Ջաֆար Փանահիի նկատմամբ կայացրած դատավաճիռը:

Իրանի դատարանը 2010 թվականի դեկտեմբերի 20-ին Փանահիին դատապարտել է 6 տարվա ազատազրկման, ինչպես նաեւ արգելել է 20 տարի նրան  ֆիլմ նկարահանել, շփվել մամուլի հետ եւ մեկնել արտասահման `մասնակցելու միջազգային մշակութային միջոցառումների` «համակարգի դեմ քարոզչություն եւ գործունեություն ծավալելու համար»:

Հարցին, թե ինչո՞ւ է Էշթոնը որոշել արձագանքել դատավճռին դրա հրապարակումից 20 օր անց, նա պատասխանել է  որ Փանահիի գործն ուսումնասիրելու համար իրեն որոշ ժամանակ է անհրաժեշտ է եղել:

Էշթոնը նաեւ կոչ է արել չեղյալ համարել Մոհամեդ Ռասուլոֆի` երիտասարդ ռեժիսորի դատավճիռը,  ով Փանահիի հետ  աշխատել է 2009 թվականի ընդդիմության ցույցեր մասին ֆիլմի նկարահանումների ժամանակ: Նրան դատապարտել են 6 տարվա ազատազրկման: