նախընտրելի դարձնել
Հայաստանի նախագահ Սերժ Սարգսյանը հունվարի 15-ին պաշտոնական այցով կմեկնի Հունաստան:
NEWS.am-ին դիվանագիտական աղբյուրներ հաղորդել են, որ Հայաստանի նախագահին կուղեկցի 30 հոգուց բաղկացած պատվիրակությունը, որի կազմում ընդրկված են օրենսդիր եւ գործադիր մարմնի ներկայացուցիչներ, ինչպես նաեւ գործարարներ: Այցելության շրջանակներում սպասվում են Սերժ Սարգսյանի հանդիպումները Հունաստանի բարձաստճան պաշտոնյաների հետ:
Հունվարի 17-ին արդեն նախագահ Սերժ Սարգսյանը պաշտոնական այցով կմեկնի Կիպրոս:
Այցելության ընթացքում նա կհանդիպի Կիպրոսի նախագահ Դիմիտրիոս Խրիստոֆիասի եւ Խորհդարանի նախագահ Մարիոս Գարոյանի հետ:
Նախատեսվում է նաեւ Հայաստանի նախագահի ելույթը Կիպրոսի խորհրդարանում: Այցի շրջանակներում կլինի նաեւ բիզնես-ֆորում:
Դիվանագիտական աղբյուրների հաղորդմամբ, այս տարվա փետրվարին սպասվում է նաեւ Հայաստանի նախագահի այցելությունը Գերմանիա:
