նախընտրելի դարձնելՈսկեվազ գյուղի տներից մեկում մարտի 21-ի երեկոյան խնջույք է եղել. տանտիրոջ որդին էր Ռուսաստանից եկել, հարազատնելով հավաքվել նշել են:
Կեսգիշերին մոտ հյուրերից երկուսը սկսել են դրսում վիճել. Սպառնալիքներ ու հայհոյանքներ են հնչել. Նրանցից մեկը դանակահարել է մյուսին:
Դեպքից երկու ժամ անց հիվանդանոցից ոստիկանության Աշտարակի բաժին ահազանգ է ստացվել, որ որովայնի կտրած-ծակած վերքով 42-ամյա մի տղամարդ է տեղափոխվել բժշկական կենտրոն:
Տուժողը շատ բան կարող էր պատմել, բայց արդեն վիրահատում էին, իսկ բժիշկներին ասել էր, որ Ոսկեվազում անծանոթ մեկի հետ վիճելիս է վնասվածք ստացել:
Արդեն գյուղում ոստիկանները պարզել են, որ դանակահարողը եղել է Արթուր Ա.-ն, որը ներկայացել է ոստիկանության բաժին:
«Հորքուրիս տղեն բրդեց, գցեց, ես էլ վեր կացա, դանակը գրպանիցս հանել եմ ու խփել եմ»,-ասել է նա:
