նախընտրելի դարձնելApple-ի համահիմնադիր Սթիվ Վոզնյակը, օգտատերերի անձնական տվյալների հանդեպ Facebook-ի եւ այլ համացանցային ընկերությունների ցուցաբերած անփութության առիթով ավելացող անհանգստությունից, որոշել է հեռանալ Facebook-ից: Այս մասին Վոզնյակը հայտնել է USA TODAY-ին:
«Օգտատերերն իրենց կյանքի յուրաքանչյուր մանրամասնը տեղադրում են սոցցանցում, իսկ այն գովազդի շնորհիվ մեծ գումարներ է վաստակում: Շահույթը հիմնված է օգտատիրոջ նախասիրությունների վրա, սակայն օգտատերը շահույթ չի ստանում», - նշել է նա:
Նրա խոսքով՝ նա ավելի շուտ պատրաստ է վճարել օգտվելու իրավունքի, քան նրա համար, որ իր անձնական տեղեկություններն օգտագորրծում են գովազդի նպատակով:
«Apple-ը փող է վաստակում հրաշալի արտադրանքի շնորհիվ, այլ ոչ թե ձեր հաշվին», - ասել է Վոզնյակը:
. «Facebook-ի հետ հենց դուք եք դառնում արտադրանքը»:
