Ռուս-հայկական դաշնակցային հարաբերությունները հիմնված են բարեկամության եւ եղբայրության վրա, որոնք բազմադարյա պատմություն ունեն: Այս մասին «Իզվեստիա»-ին տված հարցազրույցում հայտարարել է ՀՀ նախկին նախագահ Սերժ Սարգսյանը, ում թեկնածությունը առաջադրվել է ՀՀ վարչապետի պաշտոնում:

«Միասին մենք հարյուրամյակներ ենք անցել, եւ խորհրդարանական մեծամասնությունը՝ ՀՀԿ-ի եւ իր կոալիցիոն գործընկեր «Դաշնակցության» գլխավորությամբ, ապագայում եւս կշարունակի զարգացնել եւ ամրապնդել դաշնակցային հարաբերությունները Ռուսաստանի հետ: Եվ սա շատ դրական ազդեցություն է ունենում Հայաստանի զարգացման վրա: Կարծում եմ, որ անտեղի է խոսել Ռուսաստանի նկատմամբ Հայաստանի քաղաքականության փոփոխության մասին», - ասել է Սերժ Սարգսյանը: