նախընտրելի դարձնել«Իմ քայլը» ընդդիմադիր շարժման առաջնորդ, ԱԺ պատգամավոր Նիկոլ Փաշինյանը երթ է սկսել Ֆրանսիայի հրապարակից։
NEWS.am-ի թղթակիցը հայտնում է, որ երթն ավարտվելու է Հանրապետության հրապարակում, որտեղ հանրահավաք է կայանալու։ Նիկոլ Փաշինյանն ավելի վաղ հայտնել էր, որ հանրահավաքը չափազանց կարեւոր է լինելու։
Շարժման առաջնորդ Նիկոլ Փաշինյանը ավելի վաղ կոչ էր արել ապրիլի 29-ին եւ 30-ին նոր թափով վերսկսել ակցիաները, իսկ մայիսի 1-ին, երբ ԱԺ-ն վարչապետ է ընտրելու, վաղ առավոտից հեղեղել Երեւանի փողոցները։
Հիշեցնենք, որ վարչապետի ընտրության հարցը ԱԺ-ն քննարկելու է մայիսի 1-ի հատուկ նիստում: ՀՀԿ խմբակցությունն արդեն հայտարարել է, որ վարչապետի թեկնածու չի առաջադրելու: ՀՀԿ խմբակցության ղեկավար Վահրամ Բաղդասարյանը նշել է, որ ՝ եթե խորհրդարանում ներկայացված մյուս 3 քաղաքական ուժերը մեկ թեկնածուով հանդես գան, Հանրապետական խմբակցությունը չի խոչընդոտի, որ մայիսի 1-ին Հայաստանն ունենա վարչապետ։ «Ելք»-ը հայտարարել է, որ մտադիր է առաջադրել Նիկոլ Փաշինյանի թեկնածությունը: ՀՅԴ-ն առաջարկել է բոլոր խմբակցություններին վարչապետի միասնական թեկնածու առաջադրել Նիկոլ Փաշինյանին, իսկ «Ծառուկյան» դաշինքը որոշել է սատարել «ժողովրդի թեկնածուին»:
Նշենք, որ ԱԺ-ում ՀՀԿ-ն ունի 58 մանդատ, «Ծառուկյան» դաշինքը՝ 31, «Ելք»-ը՝ 9, ՀՅԴ-ն 7 մանդատ: Վարչապետի ընտրության համար անհրաժեշտ է 53 ձայն:
