նախընտրելի դարձնելՄերձմոսկվայի Վոլոկոլամսկ քաղաքում մայիսի 12-ին՝ շաբաթ, կրկին «Յադրովո» աղբավայրի փակման համար հանրահավաք է անցկացվել: Նույն օրը անհայտ անձինք կրակել են աղբավայր ուղեւորվող աղբատարի վրա, հայտնում է DW-ն :
Ընդհանուր առմամբ բողոքի ակցիային մասնակցել է մի քանի հարյուր ակտիվիստ: Նրանք պահանջել են փակել «Յադրովո» աղբավայրը, որը դեռ շարունակում է իր աշխատանքը:
Մասնավորապես, ակտիվիստները պահանջել են պատասխանատավության ենթարկել Վոլոկոլամսկի օդի աղտոտման եւ բնակիչների վատ ինքնազգացողության համար: Միեւնույն ժամանակ, իշխանության ներկայացուցիչները աղբավայրի դեմ հանրահավաքին չեն մասնակցել:
Հաջորդ հանրահավաքը, որին պատրաստվում են դուրս գալ Մերձմոսկվայի մի քանի քաղաքների բնակիչներ, պետք է անցկացվի մայիսի 26-ին:
Ինչպես հաղորդում է «Ինտերֆաքսը» նույն օրը անհայտ անձինք կրակ են բացել «Յադրովո» ուղեւորվող աղբատարի վրա: Վնասվել են մեքենայի ապակիները, վարորդը նախաբազկի շրջանում թեթեւ վնասվածք է ստացել: Հարձակվողները որոնվում են:
