նախընտրելի դարձնել
Էներգետիկայի հարցերով Եվրամիության հանձնակատար Միգել Արիաս Կանյետեն հայտարարել է, որ ԵՄ-ն լիովին հավատարիմ է մնում Թեհրանի հետ միջուկային գործարքին եւ Իրանի հետ տնտեսական հարաբերությունների հետագա զարգացում է ակնկալում, հաղորդում է «ՌԻԱ Նովոստին»:
«Քանի դեռ Իրանը հավատարիմ է պայմանագրով իր պարտավորություններին, ԵՄ-ն նույնպես կատարում է իր բոլոր պարտավորությունները», - Իրանում Իրանական ատոմային էներգետիկայի կազմակերպության ղեկավար Ալի Աքբար Սալեհիի հետ հանդիպումից հետո ասել է Կանյետեն:
Նա նշել է, որ պայմանագրի դադարեցման հնարավոր հետեւանքները «աղետալի» կլինեին:
«Մի կողմից, մենք ցանկանում ենք կրճատել ԱՄՆ պատժամիջոցների ազդեցությունը եվրոպական բիզնեսի վրա, իսկ մյուս կողմից` աջակցել ԵՄ-ի եւ Իրանի միջեւ առեւտրի եւ տնտեսական հարաբերությունների աճին ... Մենք լիովին հավատարիմ ենք տնտեսական պայմանագրի պահպանմանը», - ասել է նա:
