նախընտրելի դարձնելՀայաստանի վարչապետի գլխավորած պատվիրակությունը Նիկոլ Փաշինյանին գլխավորությամբ ժամանել է Թբիլիսի: Օդանավակայանում Նիկոլ Փաշինյանին եւ իր տիկնոջը՝ Աննա Հակոբյանին, դիմավորել է Վրաստանի փոխվարչապետ, Վրաստանի արտգործնախարար Միխաիլ Ժանելիձեն:
ՀՀ Վարչապետին ուղեկցում են կառավարության մի շարէ անդամներ, այդ թվում՝ փոխվարչապետ Տիգրան Ավինյանը, պաշտպանության նախարար Դավիթ Տոնոյանը եւ արտգործնախարար Զոհրաբ Մնացականյանը: Նիկոլ Փաշինյանը ծաղիկներ է դրել Հերոսների հրապարակում անմար կրակի մոտ:
Այժմ ընթանում է Հայաստանի վարչապետ Նիկոլ Փաշինյանի հանդիպումը իր վրացի գործընկեր Գեորգի Կվիրիկաշվիլիի հետ:
Երկօրյա պաշտոնական այցի շրջանակներում Նիկոլ Փաշինյանը հանդիպումներ կունենա Վրաստանի վարչապետ Գիորգի Կվիրիկաշվիլիի, նախագահ Գիորգի Մարգվելաշվիլիի, խորհրդարանի նախագահ Իրակլի Կոբախիձեի եւ Պատրիարք Իլյա II-ի հետ:
Այցի ընթացքում վարչապետը կհանդիպի Թբիլիսիի հայ համայնքի ներկայացուցիչների հետ եւ կայցելի «Հովհաննես Թումանյանի տուն» գիտական, մշակութային կենտրոն: Նիկոլ Փաշինյանը ներկա կգտնվի Հայաստանի Առաջին Հանրապետության 100-ամյակին նվիրված հոբելյանական միջոցառումներին՝ հոբելյանական հուշարձանի բացման արարողությանը եւ ընդունելությանը:
Նախատեսվում է Նիկոլ Փաշինյանի այցը Ջավախք, Նինոծմինդա եւ Ախալքալաք, ինչպես նաեւ՝ հանդիպումներ հայ համայնքների ներկայացուցիչների հետ:
