նախընտրելի դարձնել
Մոսկվայի «Դոմոդեդովո» օդանավակայանում ահաբեկչության արդյունքում հետաձգվել են մի քանի միջազգային չվերթներ, որոնք պետք է առաջիկա ժամի ընթացքում ժամանեին օդանավակայան:
«Դոմոդեդովոյի» պաշտոնական կայքում հաղորդվում է, որ հետաձգվում են չվերթները Հայաստանից, Չինաստանից, Գերմանիայից, Թուրքիայից, Վիետնամից:
Ինչպես արդեն նշել է NEWS.am-ը, «Դոմոդեդովո» օդանավակայանի միջազգային տերմինալում հունվարի 24-ին, ժամը 16:40-ի սահմաններում պայթյուն է եղել, կան զոհեր:
Ականատեսի վկայությամբ, երկու վիրավորներին հանել են ուղեբեռի հանձնման գոտուց:
Նախնական տվյալներով, պայթուցիկ սարքը գործի է գցել մահապարտ-ահաբեկիչը:
Զոհերի թիվը հասել է 23-ի, , գրում է «ՌԻԱ Նովոստին»:
