նախընտրելի դարձնել
IBM-ը Սան Ֆրանցիսկոյում նոր նախագիծ է ներկայացրել՝ Debater համակարգիչ, որը կարող է քննարկումների մասնակցել: Մեքենան լսում է զրուցակցին եւ բանավիճում նրա հետ, հաղորդում է BBC-ն:
Պատասխանները ձեւակերպելիս համակարգիչն օգտվում է միլիոնավոր փաստաթղթերից՝ մամուլի եւ գիտական ամսագրերի հոդվածներից կազմված տվյալների բազայից: Բանավեճերը կազմակերպվում են պատահական թեմայով՝ առանց նախապատրաստման:
Դատավորները որոշել են, որ համակարգչի փաստարկներն ավելի լիարժեք են, մինչդեռ մարդու մոտ ավելի լավ է ստացվել պատասխանների ձեւակերպումը:
Մեքենայի թերություններից մեկը միեւնույն փաստարկի կրկնությունն է, սակայն ուրիշ բառերով: Համակարգիչը նաեւ երբեմն տարօրինակ ձեւակերպումներով նախադասություններ է ներկայացրել:
