Եվրոպական միության խորհուրդը բանաձեւ է մշակել միության ընդլայնման մասին, որում ասված է, որ ԵՄ–ին անդամակցելու հարցի շուրջ Թուրքիայի հետ բանակցությունները փակուղի են մտել, փոխանցում է ՌՏ–ն։ Փաստաթղթում շեշտվում է, որ Թուրքիան ավելի է հեռանում Եվրոպական միությունից։

Պարզաբանվում է, որ այդ առնչությամբ ներկա պահին ԵՄ–ի եւ Թուրքիայի միջեւ Մաքսային միության արդիականացման հարցով հետագա աշխատանքներ չեն նախատեսվում։

Միությունում թուրքական իշխանություններին կոչ են արել նահանջել երկրում տարատեսակ իրավունքների ու ազատությունների ոլորտում նկատվող բացասական միտումներից։

Ապրիլին Եվրահանձնաժողովը զեկույց էր հրապարակել, որում նշվում էր, որ Թուրքիայի կողմից ԵՄ–ին անդամակցելու գործընթացում հետընթաց է նկատվում այդ երկրի կոմից միության հիմնարար արժեքների խախտման պատճառով։