Թուրքիան այլ երկրների քմահաճույքով չի խզի առեւտրային հարաբերությունները Իրանի հետ: Այս մասին հայտարարել է Թուրքիայի արտգործնախարար Մեւլութ Չավուշօղլուն ԱՄՆ-ի կողմից մինչեւ նոյեմբեր իրանական նավթի ներմուծումը դադարեցնելու անհրաժեշտության մասին հայտարարությունից հետո, փոխանցում է Reuters-ը:

Թուրքիան կախված է ներմուծումներից գրեթե բոլոր էներգակիրների համար: Թուրքիայի նախագահ Ռեջեփ Թայիփ Էրդողանն անցյալ տարի հայտարարել էր, որ Թուրքիան ձգտում է ավելացնել Իրանի հետ տարեկան առեւտրային շրջանառության ծավալը՝ 10-ից հասցնելով մինչեւ 30 մլրդ դոլար: