նախընտրելի դարձնել
Հետազոտողների միջազգային խումբը Android-ով աշխատող 2012 թվականից հետո արտադրված բոլոր սմարթֆոններում RAMPage անվանումով նոր խոցելիություն է հայտնաբերել: Այս մասին գրում է Lenta-ն:
Փորձագետները պարզել են, որ RAMPage-ը հայտնի մեկ այլ խոցելիության՝ Rowhammer-ի տարբերակներից է, որի օգնությամբ չարագործները կարող են խոցված սարքերի հիշողության տվյալների հասանելիություն ունենալ:
«RAMpage-ը խախտում է օգտատերերի հավելվածների եւ օպերացիոն համակարգի միջեւ մեկուսացումը»,- գրել են մասնագետները: Սովորաբար հավելվածները այլ ծրագրերից տվյալների հասանելիություն չեն ունենում, սակայն RAMpage-ը կարող է էքսփլոյթ ստեղծել՝ ադմինիստրատորի իրավունք ստանալու եւ սմարթֆոնի տիրոջ անձնական տվյալները գողանալու համար:
Խոցելիության շնորհիվ հաքերները կարող են իմանալ օգտատիրոջ բոլոր գաղտնաբառերը, անձնական լուսանկարներ, էլեկտրոնային նամակներ, կարեւոր փաստաթղթեր ներբեռնել:
RAMPage-ի թիրախը ION ենթահամակարգն է. այն հիշողության դրայվեր է, որն առաջին անգամ հայտնվել է Android 4.0 Ice Cream Sandwich օպերացիոն համակարգում:
Փորձագետները վստահ են, որ մոտ ապագայում RAMpage-ը կարող է տարածվել նաեւ iOS-ով աշխատող եւ այլ գաջեթների վրա:
