նախընտրելի դարձնելՄոսկվայի կենտրոնում Հեղափոխության հրապարակում ձերբակալվել են Դարյա Պոլյուդովան եւ Կիրիլ Կոտովը, որոնք միանձնյա բողոքի ակցիաներ էին անցկացնում թոշակային տարիքի եւ ԱԱՀ-ի դրույքաչափի բարձրացման դեմ, փոխանցում է «Մեդուզա»-ն:
Ձերբակալության տեսանյութը հրապարակել է Նիկոլայ Իգրոկովը: «ՕՎԴ-ինֆո»-ի տվյալներով՝ ձերբակալվածներին պետք է տեղափոխեն «Կիտայ-գորոդ»-ի ոստիկանական բաժանմունք:
Դարյա Պոլյուդովան մեկուկես տարի անցկացրել է գաղութում՝ Կուբանի ֆեդերալիզացման համար երթ կազմակերպելու փորձի համար: Նա ազատ էր արձակվել 2017 թվականի ոկտեմբերին:
Հուլիսի 19-ին ՌԴ Պետդուման առաջին ընթերցմամբ ընդունեց Ռուսաստանում կենսաթոշակային տարիքի բարձրացման մասին օրինագիծը, իսկ երկրորդ ընթերցմամբ՝ ավելացված արժեքի հարկի՝ 18-ից մինչեւ 20 տոկոս ավելացման մասին օրինագիծը:
