Նախընտրելի
Հայաստանի Արդարդատության նախարարության նախարարության դատական ակտերի հարկադիր կատարումն ապահովող ծառայության բաժինների վարույթում 2010 թվականին գտնվել է 99 722 գործ, տարվա ընթացքում ստացվել է 83 310 կատարողական թերթ 2009, թվականի 62 580-ի դիմաց:
ԴԱՀԿ մամուլի ծառայությունից NEWS.am-ին հայտնում են, որ հաշվետու տարում պահանջատերերի օգտին բռնագանձվել է 11 միլիարդ 262 միլիոն դրամ: Համեմատության համար նշենք, որ 2009 թվականին այդ ցուցանիշը կազմել է 5 միլիարդ 560 միլիոն դրամ: 2010 թվականին առեւտրային բանկերի եւ ունիվերսալ վարկային կազմակերպությունների կողմից ներկայացվել է 18 393 կատարողական թերթ 12,6 միլիարդ դրամի բռնագանձման պահանջով: Ֆինանսական կազմակերպությունների օգտին բռնագանձվել է 5 միլիարդ 261 միլիոն դրամ: Պետական բյուջեի օգտին բռնագանձվել է 2 միլիարդ 65 միլիոն, իրավաբանական անձանց օգտին` 7 միլիարդ 194 միլիոն, իսկ ֆիզիկական անձանց օգտին` 1 միլիարդ 577 միլիոն դրամ:
Հաշվետու տարում հարկադիր էլեկտրոնային աճուրդի (www.ajurd.am) միջոցով գույքի իրացման ծավալները ավելացել են 83,3 տոկոսով, կազմելով 1 միլիարդ 535 միլիոն դրամ: 2009 թվականի համեմատ 37 տոկոսով ավելացել է նաեւ աճուրդի մասնակիցների թիվը: 2011 թվականի հունվարի 1-ի դրությամբ հարկադիր էլեկտրոնային աճուրդում ներկայացված է եղել 1 միլիարդ 909 միլիոն դրամի գույք:
2010 թվականին ԴԱՀԿ ծառայությունում շարունակվել է բարելավվել կադրերի որակական կազմը, նրանց ընտրության, ատեստավորման եւ ուսուցման աշխատանքները: Շարունակվել են աշխատանքները ծառայությունում տեղեկատվական նոր տեխնոլոգիաների ներդրման եւ համակարգի ավտոմատացման ուղղությամբ: Մասնավորապես, ավարտվել է պարտապանի գույքի եւ դրամական միջոցների հետախուզման, արգելադրման եւ բռնագանձման էլեկտրոնային համարգի ներդրման գործընթացը: Ստեղծվել է ծառայության ժամանակակից վէբ-կայք (www.harkadir.am), որը բացի ծառայության գործունեությանը վերաբերվող ամբողջական տեղեկությունից, հնարավորություն է տալիս քաղաքացիներին ուղիղ կապ հաստատել ՀՀ Գլխավոր հարկադիր կատարողի հետ: Ծառայության բոլոր տարածքային մարմինները, այդ թվում եւ հեռավոր ու սահմանամերձ, ապահովվել են փակ եւ անվտանգ կապուղիներով: Ակտիվացել են արտաքին կապերը Արցախի, ԱՊՀ երկրների եւ համապատասխան միջազգային կառույցների հետ:
