YouTube-ը հայտարարել է նորարարությունների մասին, որոնք թույլ են տալիս օգտատերերին ավելի լավ գնահատել, թե որքան ժամանակ են նրանք ծախսում ծառայությունում, հաղորդում է Meduza-ն:

Մասնավորապես, էջի մենյուում կհայտնվի պրոֆիլ, որում կարելի է տեսնել ժամերի քանակը,  որոնք անցյալ շաբաթվա ընթացքում օգտատերը ծախսել է տեսանյութերի դիտման վրա:

Բացի այդ YouTube-ը օգտատերերին թույլ կտա նվազեցնել ծանուցումների քանակը:

Վերջին ամիսներին բազմաթիվ խոշոր սոցցանցեր ներկայացրեցին գործառույթներ, որոնք պետք է օգնեն օգտատերերին ավելի քիչ ժամանակ անցկացնել եւ ավելի քիչ շեղվել ծանուցումների պատճառով: Նման գործառույթներ են հայտնվել Facebook-ում եւ  Instagram-ում, ինչպես նաեւ Android եւ iOS օպերացիոն համակարգերում: