նախընտրելի դարձնելԵրեւանի ավագանու արտահերթ ընտրություններին մասնակցելու մտադրություն ունեցող քաղաքական ուժերի համար այսօր՝ օգոստոսի 29-ը վերջին ժամկետն է, երբ կարող են իրենց փաստաթղթերը ներկայացնել ՀՀ կենտրոնական ընտրական հանձնաժողով: Նշենք, որ ընտրությունները տեղի են ունենալու սեպտեմբերի 23-ին: Քարոզարշավը կսկսվի սեպտեմբերի 10-ից եւ կտեւի մինչեւ սեպտեմբերի 21-ը:
Ընտրողների ցուցակը ոստիկանության կայքում կտեղադրվի սեպտեմբերի 3-ին՝ ներբեռնելու հնարավորությամբ: Մինչ այդ, արդեն իսկ Ոստիկանության անձնագրերի եւ վիզաների վարչությունը ԿԸՀ-ին է ներկայացրել Երեւանի ընտրողների թիվը, որը կազմում է 853 390 մարդ: Նշենք, որ մեկ տարի առաջ տեղի ունեցած Երեւանի ավագանու ընտրությունների ժամանակ այդ թիվը եղել է 841 973:
Նշենք, որ արդեն իսկ 11 քաղաքական ուժեր հայտարարել են Երեւանի ավագանու արտահերթ ընտրություններին մասնակցելու իրենց մտադրության մասին: Երեկ երեկոյի դրությամբ իր փաստաթղթերը ԿԸՀ էր ներկայացրել միայն Ռեֆորմիստների կուսակցությունը:
ՀՀՇ եւ «Հայոց հայրենիք» կուսակցությունը ավագանու ընտրություններին կմասնակցի «Երեւանցիներ» դաշինքով: Ցուցակում առաջին համարը Արարատ Զուրաբյանն է, երկրորդը Դավիթ Առաքելյանը, երրորդը Գագիկ Գյանջումյանն է:
ՀԺԱՄ-ը ավագանու ընտրութուններին առաջադրել է Գեւորգ Սանդալյան ի թեկնածությունը:
«Հայք կամ հայկազունիներ» ներկայացնում են Պետրոս Քասախյանի թեկնածությունը:
Ստորեւ ներկայացնում ենք այդ քաղաքական ուժերին եւ նրանց ցուցակը գլխավորող (քաղաքապետի թեկնածուներ) անձանց անունները:
«Քաղաքացիական պայմանագիր» - Հայկ Մարության
«Լույս» դաշինք («Լուսավոր Հայաստան եւ «Հանրապետություն» կուսակցություն) – Արտակ Զեյնալյան
ԲՀԿ – Նաիրա Զոհրաբյան
«Ժառանգություն» Րաֆֆի Հովհաննիսյան
«Երկիր ծիրանի» - Զարուհի Փոստանջյան
ՀՅԴ – Միքայել Մանուկյան
«Ժողովրդավարական ուղի» - Մանուել Գասպարյան
ՀՀՇ – Արարատ Զուրաբյան
«Երեւանի հանրություն» նախաձեռնություն – Անահիտ Թարխանյան
Ռեֆորմիստներ կուսակցություն - Արտակ Ավետյան
«Օրինաց երկիր»- Մհեր Շահգելդյան
