Հայաստանն ու Հնդկաստանը փորձում են զարգացնել տեղեկատվական տեխնոլոգիաների ոլորտում համագործակցությունը եւ այդ նպատակով Երեւանում ստեղծվելու է հայ-հնդկական Տեղեկատվական հեռահաղորդակցական (Գերազանցության) կենտրոն։ 

Հայկական կողմից ծրագիրը համակարգում է «Ձեռնարկությունների ինկուբատոր հիմնադրամը», իսկ հնդկական կողմից՝ «Սիդակ» կազմակերպությունը։ 

«Բարձր արտադրողականության հաշվողական տեխնոլոգիաները շատ կարեւոր են ժամանակակից աշխարհում գիտական հետազոտությունների տեսակետից»,-NEWS.am-Ինովացիայի թղթակցի հետ զրույցում ասաց Բ. Ենգիբարյանը։ Նրա  խոսքով՝  Հնդակաստանից արդեն ձեռք է բերվել հսկայական գրականություն, իսկ մինչեւ տարեվերջ ԵՊՀ տարածքում շենքի վերանորոգման մրցույթ կհայտարարվի։

Կենտրոնը գործելու է ԵՊՀ տարածքում՝ 300 ք/ մ։: Հնդկական կողմը կհատկացնի սարքավորումները, այդ թվում Param գերհամակարգիչները՝ 2 մլն դոլար արժողությամբ: ՀՀ կառավարության ներդրումը 1 մլն դոլար է:

Հայկական կողմը պետք է պայմաններ ստեղծի եւ տարածք հատկացնի  սարքավորումների տեղակայման համար, իսկ հնդկական կողմը պետք է ապահովի համապատասխան գրականությունը, սարքավորումները եւ ծրագրերը։