նախընտրելի դարձնել
ESET հակավիրուսային ընկերության մասնագետները կեղծ Google Play-ում հայտնաբերել են վնասակիր հավելված, որը նմանակում է հայտնի Viber մեսենջերը, հաղորդում է ՌԳ-ն:
Կեղծ էջում կա «Խմբագրության ընտրություն» նշան, նշված է բեռնումների քանակը՝ 500 մլն, նշված է իբրեւ թե օգտատերերի գնահատականը 4,3, նշվում են օրինականության նաեւ այլ ապացույցներ:
Կեղծ Viber-ը հեռախոսում բեռնելու փորձի ժամանակ հավելվածը պահանջում է համակարգի նկատմամբ ընդլայնված իրավունքներ տրամադրել: Դրանց թվում է կոնտակտների, հաղորդագրությունների եւ զանգերի հասանելիությունը, աուդիոյի ձայնագրման հնարավորությունը եւ այլ իրավունքներ:
Տեղադրվելուց հետո վնասակիր մեսենջերը կարող է Android սարքից անձնական տվյալները գողանալ, մեդիաֆայլերը եւ փաստաթղթերը, որոնք ուղարկվում են Viber, WhatsApp եւ WeChat մեսենջերներով:
Խնդրի մասին գիտեն նաեւ Viber-ում: Ընկերությունը խորհուրդ է տալիս հավելվածը բեռնել միայն իսկական Google Play-ից:
