նախընտրելի դարձնել
Տեր Աբգար վարդապետ Հովակիմյանը մարտ 1-ից ծառայության կանցնի Բուլղարիայի Հայոց թեմում՝ որպես առաջնորդական տեղապահ:
Տ. Աբգար վարդապետ Հովակիմյանը (ավազանի անունը Սամվել) ծնվել է 1972թ. Բաթումի քաղաքում (Վրաստան): 1979-1989թթ. միջնակարգ կրթություն է ստացել տեղի Ստ. Շահումյանի անվան հայկական միջնակարգ դպրոցում:
1989-1995թթ. սովորել է Մայր Աթոռ Սբ. Էջմիածնի Հոգեւոր ճեմարանում՝ պաշտպանելով ավարտաճառ «Հայ դավանաբանական մտքի արձագանքները Ներսես Շնորհալու «Մատթեոսի Ավետարանի մեկնության» մեջ»:
2001-2004թթ. մեկնել է Ավստրիա եւ ուսանել Զալցբուրգի աստվածաբանական համալսարանումª ստանալով մագիստրոսի աստիճան:
2004թ. վերադառնալով նշանակվել է Վրաստանի հայոց թեմի առաջնորդական փոխանորդ՝ թեմակալ առաջնորդի իշխանության ներքո:
2007թ. Մայր Աթոռ Սուրբ Էջմիածնում պաշտպանել է վարդապետական թեզ «Դիոնիսիոս Արիսպագացին հայ մատենագրության մեջ» թեմայով եւ արժանացել վարդապետության աստիճանի:
2005-2009 թթ. ծառայել է Սյունյաց թեմում որպես Սյունիքի փոխառաջնորդ:
2010թ. հովվական ծառայություն է իրականացրել Մոնրեալում (Կանադայի Հայոց թեմ):
