նախընտրելի դարձնելՎարչապետ Նիկոլ Փաշինյանի կինը՝ Աննա Հակոբյանը, Ռուսաստանում գործունեության տարբեր ոլորտներ ներկայացնող կանանց հետ Արցախ ուղեւորության ընթացքում այցելել է շփման գծի ամենաառաջատար դիրքերից մեկը:
Հայաստանի կառավարության ղեկավարի կնոջը եւ Ռուսաստանից հյուրերին ուղեկցել են Արցախի արտաքին գործերի նախարարության աշխատակիցները, ինչպես նաեւ հանրապետության պաշտպանության նախարարության ներկայացուցիչները Լեւոն Մնացականյանի եւ Արցախի նախագահի կնոջ՝ Անահիտ Սահակյանի գլխավորությամբ:
Աննա Հակոբյանը ծանոթացել է զինվորականների ծառայության պայմաններին, նրանց կենցաղին եւ սահմանի վիճակին: Բացի այդ, վարչապետի կինը զրուցել է մարտական հերթապահություն իրականացնող զինծառայողների հետ:
Արցախի Հանրապետություն կատարած այցի շրջանակներում Աննա Հակոբյանը հանդիպում է ունեցել Հանրապետության նախագահ Բակո Սահակյանի եւ Արցախի արտաքին գործերի նախարար Մասիս Մայիլյանի հետ, որին մասնակցել են նաեւ ռուս հյուրերը:
