նախընտրելի դարձնելՀՀ կառավարությունն իր այսօրվա՝ հոկտեմբերի որոշմամբ հոկտեմբերի 11-ի և 12-ի աշխատանքային օրերը տեղափոխեց համապատասխանաբար հոկտեմբերի 27-ը և նոյեմբերի 3-ը` շաբաթ օրերը:
Հարցը ներկայացրեց փոխվարչապետ Տիգրան Ավինյանը: Որոշման նախնական տարբերակում նշված էր, որ աշխատանքային օրերը տեղափոխվեն հոկտեմբերի 20-ին եւ 27-ին, սակայն ԿԳ նախարար Արայիկ Հարությունյանն ասաց, թե հոկտեմբերի 21-ին ՏԻՄ ընտրություններ են, նաև՝ «Էրեբունի-Երևան» տոնակատարության օրն է. նա առաջարկեց աշխատանքային հայտարարել հոկտեմբերի 27-ն ու նոյեմբերի 3-ը:
Վարչապետ Նիկոլ Փաշինյանը ընդունելի համարեց այդ առաջարկը եւ այն ընդունվեց:
Որոշման հիմնավորման մեջ նշվում է, որ 2018 թվականի հոկտեմբերի 11-ի և 12-ի աշխատանքային օրերի տեղափոխելը պայմանավորված է Երևանում կայանալիք Ֆրանկոֆոնիայի միջազգային կազմակերպության XVII-րդ գագաթաժողովի ընթացքումն Երևան քաղաքի տրանսպորտի երթևեկությունն արդյունավետ կազմակերպելու անհրաժեշտությամբ:
Սույն ՀՀ կառավարության որոշման նախագծի ընդունումը բխում է «Հայաստանի Հանրապետության տոների և հիշատակի օրերի մասին» Հայաստանի Հանրապետության օրենքի 19-րդ հոդվածից:
Ավելի վաղ NEWS.am-ը հայտնել էր, որ կառավարության նախաձեռնությամբ ԱԺ-ն փոփոխություն էր կատարել հիշյալ օրենքում, որը թույլ է տալիս կառավարությանը աշխատանքային օրերը տեղափոխել նաեւ բացառիկ նշանակության իրադարձությունների կապակցությամբ:
