«Հայկական ժամանակ» թերթի տեղեկություններով, ՀՀ ոստիկանապետի տեղակալ,  ոստիկանության զորքերի հրամանատար Գարեգին Գաբրիելյանը (մականունը` Գել) մարզում բնակվող սպաներին հրահանգել է այսօր քաղաքացիական հագուստներով աշխատանքի գալ: Գաբրիելյանը ենթականերին հրահանգել է չմոռանալ եւ իրենց մոտ ունենալ ոստիկանի վկայականները` Երեւան մտնելու թույլտվություն ստանալու համար: Տեղեկություն կա, որ ոստիկանության մյուս ստորաբաժանումները առավոտից պատրաստվում են փակել մայրաքաղաք մտնող ճանապարհները, որ մարզերից մարդիկ չգան հանրահավաքի: