ԱՄՆ նախագահ Բարաք Օբաման հեռախոսազրույց է ունեցել Թուրքիայի վարչապետ Ռեջեփ Թայիփ Էրդողանի հետ, որի ընթացքում քննարկվել է Լիբիայում տեղի ունեցող իրադարձությունները։

Թուրքական Vatan-ի փոխանցմամբ՝ Սպիտակ Տան տարածած հայտարարության մեջ նշվել է, որ կողմերն անդրադարձել են Լիբիայում իրենց երկրների քաղաքացիների անվտանգության ապահովման խնդրին, ինչպես նաեւ նշել են, որ իրադարձությունների պատասխանատուն Քադաֆիի կառավարությունն է։