նախընտրելի դարձնել
Լիբիայի առաջնորդը գործնականում մնացել է առանց կառավարող համախոհների, եւ ընդդիմադիրները շուտով հաղթանակի կհասնեն: Այս մասին Euronews-ի հետ հարցազրույցում ասել է Մուամար Քադաֆիի արարողակարգի ծառայության նախկին ղեկավար Նուրի ալ Միսմարին, ով գտնվում է Ֆրանսիայում:
Զինվորական սպաների, ոստիկանության ղեկավարների եւ դիվանագետների զանգվածային հրաժարականների մասին հաղորդագրությունների ֆոնին ալ Մասմարին հայտարարել է, որ Քադաֆին քիչ մարդիկ ունի, որոնց վրա կարող է հենվել, իսկ նա ոչ ոքի չի վստահում: «Հիմա Քադաֆին բացարձակապես մենակ է: Նրա շրջապատում են միայն որդիները եւ մի քանի բարձրաստիճան պաշտոնյաներ, որոնք հանցագործություններ են գործել եւ ռեժիմի անկումից հետո վախենում են դատվելուց»,-ասել է ալ Մասմարին:
Նրա խոսքով` Քադաֆին վերջին ժամերն է ապրում, եւ առաջիկայում ընդդիմադիրները հաղթանակի կհասնեն:
