նախընտրելի դարձնել
ԱՄՆ փոխնախագահ Մայք Փենսը Վաշինգտոնի եվրոպական դաշնակիցներին մեղադրել է Թեհրանի դեմ ԱՄՆ-ի պատժամիջոցները խախտելու փորձի մեջ եւ նրանց կոչ արել հրաժարվել իրանական միջուկային համաձայնագրից, գրում է Reuters-ը:
«Ցավոք, մեր առաջատար եվրոպական գործընկերներից մի քանիսը նույնքան պատրաստված չէին համագործակցությանը: Նրանք փաստացի ղեկավարել են այն մեխանիզմների ստեղծման ջանքները, որոնք կարող են խախտել պատժամիջոցները », - Վարշավայում ԱՄՆ-ի կազմակերպած Մերձավոր Արեւելքի հարցերով համաժողովին ասել է Փենսը:
Նա նշել է, որ Իրանի հետ առեւտրի համար ԵՄ կողմից ստեղծված հատուկ ֆինանսական մեխանիզմը փորձ է խախտելու Իրանի հեղափոխական կործանարար ռեժիմի դեմ ուղղված ամերիկյան պատժամիջոցները:
«Սա հապճեպ քայլ է, որը կհզորացնի Իրանին, կթուլացնի ԵՄ-ն եւ ավելի մեծ հեռավորություն կստեղծի Եվրոպայի եւ ԱՄՆ-ի միջեւ», - ասել է նա: Փենսն Իրանին մեղադրել է աշխարհում ահաբեկչության «պետական խոշորագույն հովանավոր լինելու մեջ»:
Վարշավայում հանդիպմանը մասնակցել են ավելի քան 60 երկրներ, սակայն խոշոր եվրոպական տերությունները, ինչպիսիք են Գերմանիան եւ Ֆրանսիան, որոնք 2015 թվականի միջուկային համաձայնագրի մաս են, հրաժարվել են ուղարկել իրենց դիվանագետներին:
