նախընտրելի դարձնել
Եվրամիությունը «կապեր է հաստատում լիբիական ընդդիմության ղեկավարության հետ», որի ձեռքին ներկայումս գտնվում է երկրի մեծ մասը: Այդ մասին հաղորդում է ԻՏԱՌ-ՏԱՍՍ-ը` վկայակոչելով ԵՄ արտաքին գործերի եւ անվտանգության քաղաքականության գերագույն հանձնակատար Քեթրին Էշթոնին:
«Մենք ներկայումս տանում ենք այդ աշխատանքը»,- ընդգծել է նա:
ԵՄ-ն այսօր պաշտոնապես պատժամիջոցներ է կիրառել Լիբիայի նկատմամբ: Պատժիչ միջոցների փաթեթը ներառում է Լիբիային զենք եւ տեխնիկա վաճառելու արգելքը, նաեւ Քադաֆիի եւ նրա 25 մերձավորների մուտքը ԵՄ 27 երկրների տարածք արգելելու որոշումը: Բացի այդ, նրանց բանկային բոլոր հաշիվները Եվրոպայում սառեցվելու են:
Որոշ տեղեկությունների համաձայն, ԵՄ երկրները քննարկում են Լիբիայի արյունոտ իրադարձությունների կապակցությամբ հետաքննություն անցկացնելու եւ Քադաֆիին միջազգային դատարանին հանձնելու հնարավորությունը:
