նախընտրելի դարձնել
Բարձր ենք գնահատում Իրանի իշխանությունների ջերմ եւ հոգատար վերաբերմունքը հայկական համայնքի նկատմամբ: ԻՌՆԱ լրատվական գործակալությանը տված հարցազրույցում այս մասին ասել է ՀՀ վարչապետ Նիկոլ Փաշինյանը:
Նրա խոսքով, ուժեղ ու վառ սփյուռքը Հայաստանի զարգացման հիմնասյուներից մեկն է: Ըստ վարչապետի, աշխարհի տարբեր մասերում ապրող եւ երկրի կյանքի անբաժան մաս հանդիսացող հայ համայնքները, երկկողմ հարաբերությունների ամրապնդման համար յուրատեսակ կամուրջ են:
«Բացառություն չէ նաեւ Իրանի հայ համայնքը, որը բազմադարյա պատմություն ունի: Այն գործնական ներդրում է ունեցել Իրանի սոցիալական, տնտեսական եւ մշակութային կյանքի զարգացման գործում, եւ Հայաստանի անկախության վերականգնման հենց սկզբից դարձել մեր երկկողմ հարաբերությունների զարգացմանը նպաստող գործոն:
Բարձր ենք գնահատում Իրանի իշխանությունների ջերմ եւ հոգատար վերաբերմունքը հայկական համայնքի նկատմամբ: Ցանկանում եմ հատուկ ընդգծել Իրանի իշխանությունների հոգատար վեևաբերմունքը հայկական մշակութային արժեքների նկատմամբ»,- նշել է Փաշինյանը:
