Ավստրիայի կանցլեր Սեբաստիան Կուրցը հանդիպում է ունեցել Հայաստանի վարչապետ Նիկոլ Փաշինյանի հետ:

«Ես ուրախ էի ընդունել Հայաստանի վարչապետ Փաշինյանին, որը ժամանել էր Վիեննա Լեռնային Ղարաբաղի հարցով բանակցությունների համար»,-նա գրել է իր թվիթերյան միկրոբլոգում:

Կուրցը նշել է, որ երկու կողմերին կոչ է արել շարունակել աշխատել կոնֆլիկտի հանգուցալուծման ուղղությամբ բանակցությունների միջոցով:

Նա հավելել է, որ Հայաստանն առաջնահերթ երկրներից է Ավստրիական համագործակցության ծրագրի շրջանակներում զարգացման տեսանկյունից, եւ Ավստրիան ցանկանում է շարունակել համագործակցության հաստատումը:

 

 

Փաշինյանն իր ֆեյսբուքյան էջում հրապարակել է Կուրցի հետ սելֆին և գրել. «Եվրոպայի ամենաերիտասարդ ղեկավարի՝ Ավստրիայի վարչապետ Սեբաստիան Կուրցի հետ»