Նախընտրելի
NEWS.am–ին նոր մանրամասներ են հայտնի դարձել Արցախում 10–ամյա երեխայի սպանության դեպքի մասին։
Նախնական տեղեկություններով՝ երեխան սպանվել է առանձնակի դաժանությամբ 17–ամյա եղբոր կողմից։
Ըստ հարազատների պատմածի՝ 17–ամյա պատանին եղբորը սպանել է անտառում, նրան դանակի և պատառաքաղի բազմաթիվ վնասվածքներ հասցնելով, այնուհետև թաղել փոսում, ապա վերադարձել տուն:
Նախնական վարկածի համաձայն՝ պատանին հանցանքը կատարել է համակարգչային խաղի ազդեցության տակ:
Ավելի վաղ Արցախի ոստիկանությունից NEWS.am–ին հայտնել էին, որ ապրիլի 12-ին սպանվել է Արցախի Շահումյանի շրջանի բնակիչ, 2009թ.ծնված Վ. Գ-ն:
Հարուցված քրեական գործի շրջանակում ապրիլի 13-ին Վ.Գ-ի սպանության կասկածանքով ձերբակալվել է նրա հարազատ եղբայրը` 2001թ. ծնված Ս.Գ-ն։
Նշանակվել են փորձաքննություններ, նախաքննությունը շարունակվում է։
