նախընտրելի դարձնել
Իրանի կողմից խոցված ամերիկյան անօդաչու թռչող սարքն օդ է բարձրացել Արաբական Միացյալ Էմիրություններից: Այս մասին Twitter-ում գրել է Իրանի արտգործնախարար Մոհամմադ Ջաֆար Զարիֆը:
«00:14-ին ամերիկյան անօդաչուն օդ է բարձրացել ԱՄԷ-ից՝ անտեսանելիության ռեժիմով եւ խախտել է Իրանի օդային տարածքը: Մենք մեր տարածքային ջրերում գտել ենք ամերիկյան անօդաչուի ֆրագմենտները»,- գրել է Զարիֆը:
Ավելի վաղ Զարիֆը գրել է, որ ԱՄՆ-ը տնտեսական ահաբեկչություն է իրականացնում Իրանի դեմ եւ այժմ ներխուժում է Իրանի տարածք: Բացի այդ, Զարիֆը նշել է, որ Իրանը ցույց կտա, որ ԱՄՆ-ը ստում է:
The US wages #EconomicTerrorism on Iran, has conducted covert action against us & now encroaches on our territory.
— Javad Zarif (@JZarif) 20 июня 2019 г.
We don't seek war, but will zealously defend our skies, land & waters.
We'll take this new aggression to #UN & show that the US is lying about international waters
Ավելի վաղ Իրանի Իսլամական հեղափոխության պահապանների կորպուսը հայտնել է, որ այսօր Իրանի օդային տարածքում խոցել է ամերիկյան անօդաչու թռչող սարքը: ԱՄՆ-ում պնդում են, որ այն գտնվել է միջազգային օդային տարածքում: Իրանի ԱԳՆ խոսնակ Աբբաս Մուսավին քննադատել է Իրանի տարածք ամերիկյան ԱԹՍ-ի ներխուժումը: Մուսավին իր հայտարարության մեջ բողոք է հայտնել երկրի օդային տարածքի խախտման «ագրեսիվ եւ սադրիչ» քայլերի դեմ: Նա նշել է, որ Իրանի սահմանը խախտելու պատասխանատվությունն ընկած է ներխուժում իրականացրած երկրի վրա:
