Նախընտրելի
Խորվաթիայի խորհրդարանի նախագահ Լուկա Բեբիչը տպավորված է Երեւանում Հայոց ցեղասպանության հուշահամալիր իր այսօրվա այցելությամբ:
Մարտի 21-ին սկսվել է Խորվաթիայի խորհրդարանի նախագահ Լուկա Բեբիչի գլխավորած պատվիրակության պաշտոնական այցը Հայաստան: Նրան խորհրդարանում ընդունել է Ազգային ժողովի նախագահ Հովիկ Աբրահամյանը:
ԱԺ մամուլի ծառայությունից NEWS.am-ին հայտնում են, որ Հովիկ Աբրահամյանը շնորհակալություն է հայտնել իր հրավերը ընդունելու եւ պաշտոնական այցով Հայաստան այցելելու համար: Նրա համոզմամբ, Բեբիչի այցը կնպաստի երկկողմ կապերի ակտիվացմանը, միջխորհրդարանական հարաբերությունների զարգացմանը: Հովիկ Աբրահամյանը կարեւորեց Խորվաթիայի հետ փոխգործակցությունը քաղաքական, տնտեսական, մշակութային եւ այլ բնագավառներում:
Խորվաթիայի խորհրդարանի ղեկավարը նշել է, որ հայ եւ խորվաթ ժողովուրդները պատմական շատ ընդհանրություններ ունեն:
Հանդիպման ընթացքում կողմերը քննարկել են երկկողմ հետաքրքրություն ներկայացնող հարցեր, կարեւորել են միջազգային կառույցներում համագործակցության խորացումը, խորհրդարանական դիվանագիտության դերը երկկողմ հարաբերությունների զարգացման հարցում:
