նախընտրելի դարձնել
Միջին եւ փոքր հեռահարության հրթիռների ոչնչացման մասին պայմանագրի պահպանման համար, որից միակողմանիորեն դուրս է եկել ԱՄՆ-ն, պատասխանատվություն է կրում Ռուսաստանը: Գերմանական Frankfurter Allgemeine Zeitung թերթի իր հեղինակային սյունակում այս մասին հայտարարել է ՆԱՏՕ-ի գլխավոր քարտուղար Յենս Ստոլտենբերգը՝ հերթական անգամ փորձելով պայմանագրի խզման համար պատասխանատու համարել Մոսկվային:
ՆԱՏՕ-ի գլխավոր քարտուղարը համոզված է, որ վտանգված է եվրոպական անվտանգությունը: Նա Ռուսաստանին կոչ է արել օգտագործել «վերջին հնարավորությունը» ՓՄՀՀՊ-ի պահպանման համար: «Հակառակ դեպքում, այն միանձնյա պատասխանատվություն է կրելու», - մեջբերում է ՏԱՍՍ-ը:
Ավելի վաղ Ստոլտենբերգը խոստովանել էր, որ աշխարհն առանց Միջին եւ փոքր հեռահարության հրթիռների ոչնչացման մասին պայմանագրի, բոլորի համար «պակաս կայուն» կդառնա: Այս հայտարարությամբ նա հանդես էր եկել Ռուսաստան-ՆԱՏՕ խորհրդի շրջանակում կայացած բանակցություններից հետո:
