Ջոն Հոփքինսի համալսարանը (ԱՄՆ, Բալթիմոր) հետազոտություն է  անցկացրել ճշտելու, թե, որ երկրների ժամանցի վայրերն են ավելի պատված ծխախոտի ծխով, հաղորդում է Focus.ua-ն:

2009-2010 թվականների ընթացքում հետազոտվել են ռեստորանների եւ բարերի աշխատողներ, հիմնականում մատուցողներ, որոնց նիկոտինով   ներծծված մազերից փորձանմուշներ են վերցվել։ 22 երկրներում աշխատող մատուցողներից վեցրած փորձանմուշները  ենթարկվել են  հետազոտությունների, հաղորդում է Korrispondent.net-ը։

Ամենածխահարված երկրներից են Հայաստանը, Թուրքիան, Բանգլադեշը, Վրաստանը, Ղրղըզստանը եւ  Ռուսաստանը։ Ամենամաքուր օդն ունեցող բարերն ու ռեստորանները գտնվում են Թայլանդում, Հնդկաստանում եւ Վիետնամում։ Ուրուգվայում արգելված է ծխել հասարակական վայրերում, իսկ Արգենտինայում հետազոտություններին համաձայնել են մասնակցել միայն ծխելնը արգելող ժամանցի վայրերը: