նախընտրելի դարձնել
2011 թ. առաջին երկու ամիսներին անցյալ տարվա նույն ժամանակահատվածի համեմատությամբ մայրաքաղաքում արձանագրվել է հանցագործությունների ընդհանուր թվի նվազում 11 դեպքով` 956-ից նվազելով 945-ի: Նման տվյալ է ներկայացրել լրագորղների հետ հանդիպմանը Երեւանի ոստիկանապետ Ներսես Նազարյանը:
Ըստ Նազարյանի` 26 դեպքով (531-ից 505) նվազել են քրեական հետախուզության գծով հաշվառված հանցագործություները, այդ թվում՝ ծանր հանցադեպերի քանակն աճել է 23 դեպքով (329-ից 352), առանձնապես ծանրերը նվազելել են 6-ով (17-ից11):
Մայրաքաղաքում է գրանցվել հանրապետությունում հաշվառված հանցագործությունների 50,8 տոկոսը, այդ թվում՝ ծանր դեպքերի 61,6 եւ առանձնապես ծանրերի` 34,4 տոկոսը:
109 դեպքով (57-ից 166) աճել են տնտեսական գործունեության դեմ ուղղված հանցագործությունների հայտնաբերման դեպքերը:
Ընդհանուր առմամբ, ընթացիկ տարվա երկու ամիսներին Երեւանում հայտնաբերվել եւ մերկացվել է 22 հանցավոր խումբ՝ 64 անձով, որոնց կողմից կատարվել է 78 հանցագործություն:
Վերջին 3 տարիների ընթացքում ՀՀ ոստիկանության կողմից ձեռնարկված համալիր միջոցառումների արդյունքում՝ Երեւան քաղաքում դիտավորյալ սպանությունների քանակը կտրուկ նվազել է: Այսպես, ըստ Նազարյանի, 2008 թ. գրանցվել էր 40 դիտավորյալ սպանություն, 2009 թ.` 28, 2010 թ.` 15, իսկ ընթացիկ տարվա 2 ամիսների ընթացքում գրանցվել է ընդամենը 2 դեպք, որոնք բացահայտված են:
