ՆախընտրելիՎրաստանում կեղծ տեղեկանքներ պատրաստելու համար 7 բժիշկ է ձերբակալվել, հայտնում է վրացական «Պիրվելի» լրատվական գործակալությունը:
Վրաստանի Պաշտպանության նախարարության նախարարության մամուլի ծառայությունը հայտնել է, թե հատուկ գործողությունն անցկացվել է երկրի ողջ տարածքում, եւ բժիշկներին ձերբակալել են Թբիլիսիում, Ռուսթավիում եւ Ագարայում:
Նրանց պատրաստած կեղծ տեղեկանքներով քաղաքացիները ազատվում էին ռազմական ծառայությունից, նաեւ ազատվում էին պահեստազորից:
Նախարարությունը հրապարակել է նաեւ օպերատիվ տեսանյութ, որտեղ երեւում է, թե ինչպես է բժիշկը հաճախորդին բացատրում` ինչպես է պետք պատճառաբանել երիկամների ցավը`տեղեկանքը վերցնելուց հետո:
Ձերբակալվածներին սպառնում է 7 տարվա ազատազրկում:
