նախընտրելի դարձնել
Facebook-ը ներկայացրել է Libra գլոբալ կրիպտոարժույթի իր տեսլականը երկու ամիս առաջ, եւ այդ ժամանակվանից կարգավորողները սկսել են քննադատել նախագիծը։ Նրանք իրենց պատճառներն ունեն։
Գլոբալ կարգավորողները, Կենտրոնական բանկերի ղեկավարները եւ ֆինանսների նախարարները մտահոգություն են հայտնել Libra կրիպտոարժույթի հետ կապված, որովհետեւ այն կարող է, համենայն դեպս տեսականորեն, արմատապես փոխել կամ անգամ խափանել նրանց աշխատանքը։ Libra-ն բարձրացրել է տոկոսադրույքը ֆինանսական իշխանությունների համար՝ ստիպելով նրանց ավելի լուրջ նայել թվային արժույթներին։
«Տասը տարի առաջ կարգավորողները չէին մտածում բիթքոինների մասին»,- նշում է իսրայելցի գործարար, Saga անունով թվային դրամ արտադրող Իդո Սադեհ Մենը։ «Նրանք բոլորը վստահ էին, որ այն կանհետանա ինքն իրեն։ Դա արդեն այդպես չէ»։
Facebook-ը Libra-ն գործարկել է 27 այլ ընկերությունների հետ հունիսին համագործակցելով։ Թվային արժույթին հաջորդելու է անկախ ոչ առեւտրային կազմակերպությունը, որը գտնվում է Շվեյցարիայում, այն անվանվում է Libra ասոցիացիա, թեեւ շատ դետալներ դեռ պարզ չեն։ Ըստ Facebook-ի՝ նախագծի նպատակը ամբողջ աշխարհում մարդկանց դրամ փոխանցելու արագ եւ ոչ թանկ միջոցն է, մանավանդ նրանց, որոնց հասանելի չեն ավանդական բանկային ծառայությունները։
Այդ նույն օրը, երբ Facebook-ը ներկայացրեց Libra-ն, Անգլիայի բանկի կառավարիչ Մարկ Քարնին ասաց, որ դրա վրա «կտարածվեն կարգավորման ամենաբարձր չափորոշիչները»։ Դաշնային պահուստային հիմնադրամի նախագահ Ջերոմ Փաուելը հետեւեց նրա օրինակին մի քանի շաբաթ անց՝ թվելով այնպիսի խնդիրներ, ինչպիսին են գաղտնիությունը, փողերի լվացումը, սպառողի պաշտպանությունը եւ ֆինանսական կայունությունը։ Եվրոպական կենտրոնական բանկի նախագահ Մարիո Դրագին, ԱՄՆ ֆինանսների նախարար Սթիվեն Մնուչինը եւ Դաշնային առեւտրային հանձնաժողովի հանձնակատար Ռոհիթ Չոպրան նման մտահոգություն են հայտնել։
Քոնսալթինգային ընկերության հիմնադիր եւ տնօրեն Զենոն Կապրոնի խոսքով՝ կարգավորողները մտահոգ են Libra-ի պոտենցիալից։
«Առաջին հերթին, նրա թիկունքին կանգնած է Facebook-ը, որը սահմանում է Calibra քսակը, որի մասին նրանք խոսում էին, որը ենթադրաբար կփոխգործակցի WhatsApp-ի, Facebook Messenger-ի հետ»,- ասել է Կապրոնը CNBC-ի հարցազրույցում։ «Նրանց ցանցում արդեն կա մի երկու միլիարդ մարդ»։
Բացի այդ, Կապրոնի խոսքով՝ այնպիսի ընկերություն, ինչպիսին են eBay-ը եւ PayPal-ը, որոնք մտնում են Libra ասոցիացիայի մեջ, նույնպես լայնորեն ներկայացված են էլեկտրոնային առեւտրի եւ թվային վճարումների ոլորտում։
Ի տարբերություն բիթքոիններից եւ մյուս կրիպտոարժույթներից, Libra-ն միլիարդավոր օգտատերեր ընդգրկելու պոտենցիալ ունի համեմատաբար կարճ ժամկետում։ «Ես կարծում եմ, որ դա հենց այն է, ինչն ստիպել է կարգավորողներին աղմուկ բարձրացնել»,- ասել է նա։
Կառավարությունները կարող են կորցնել «դրամավարկային քաղաքականությունը վերահսկելու կարողությունը»,- ասել է Կապրոնը։ «Հենց հիմա ԱՄՆ դոլարի վերահսկողությունը, որովհետեւ նավթը գնահատվում է դոլարով։ Եվ ԱՄՆ կառավարությունը վերահսկում է, թե որ բանկերը կարող են փոխգործակցել դոլարի հետ, եւ օգտագործելով ազդեցության այդ ոլորտը, նրանք կարող են իրապես վերահսկել գլոբալ տնտեսության ուղղությունը եւ գլոբալ քաղաքական իրավիճակը»։ Կապրոնը նշել է, որ Libra-ի պարագայում այդ վերահսկողությունը թուլանում է։
