Նորզելանդական ազգային Air New Zealand ավիաընկերության գովազդային տեսահոլովակը դարձել է հիթ YouTube կայքում, հավաքելով 1,1 մլն դիտում։ Տեսահոլովակը տեղադրվել է կայքում ընդամենը երեք օր առաջ, ճշտում է AFP-ն։

Գովազդային տեսահոլովակում, որտեղ ներկայացվում է թռիչքի ժամանակ անվտանգության կանոները, նկարահանվել է Ռիչարդ Սիմոնսը` Ֆիտնեսի հանրահայտ հրահանգիչը։ Տեսահոլովակում Սիմոնսը գունավոր զուգագուլպաներ հագած կանանց եւ տղամարդկանց հետ դիսկո պարելով պատմում է անվտանգության կանոների մասին։

Air New Zealand ավիաընկերության մարկետինգային ծառայությունում նոր տեսահոլովակը կոչել են «Էքստրաօրդինալ», հաղորդում է Lenta.ru-ն։