Konfidas ընկերության հիմնադիր Ռամ Լեւին, Index Ventures-ի տնօրեն Նինա Աչաջյանը եւ Service Titan ընկերության համահիմնադիր եւ նախագահ Վահե Կուզոյանը ելույթ կունենան WCIT 2019-ի ընթացքում։

WCIT 2019-ն տեղի կունենա Երեւանում 2019 թվականի հոկտեմբերի 6-9-ին։ Համաժողովն անցկացվում է Հայաստանի կողմից՝ Հայաստանի Հանրապետության կառավարության աջակցությամբ եւ բարձր հովանավորությամբ։ Տեղեկատվական տեխնոլոգիաների համաշխարհային համաժողովը (WCIT) հիմնադրվել է Տեղեկատվական տեխնոլոգիաների եւ ծառայությունների համաշխարհային դաշինքի (WITSA) կողմից։ Նրա հիմնական կազմակերպչական մարմինը Առաջատար տեխնոլոգիաների ձեռնարկությունների միությունն է (UATE)։