նախընտրելի դարձնել
Թուրքիան ՄԱԿ-ի Անվտանգության խորհրդին հայտնել է, թե իրանական օդանավում, որը հարկադիր իջեցվել էր Թուրքիայի տարածքում, զենք է հայտնաբերվել: Զենքը փորձել են արտահանել` խախտելով ՄԱԿ-ի էմբարգոն: Այդ մասին գրում է Jerusalem Post-ը` վկայակոչելով Reuters-ը, որի ձեռքին էլ հայտնվել են որոշ փաստաթղթեր:
Ըստ գործակալության տեղեկությունների, ԱԽ դիվանագետները նշել են, որ զենքի առգրավումը դրական կազդի Թուրքիայի հեղինակության վրա:
Առգրավված զենքը պահվում է Դիարբեքիրի պահեստներում:
Օդանավը մեկնում էր Սիրիա, սակայն հարկադիր իջեցվել էր Դիարբեքիրում:
Թուրքական իշխանությունները զենք եւ զինամթերք էին առգրավել: Դեպքը տեղի էր ունեցել մարտի 16-ին, սակայն դրա մասին հայտնի էր դարձել մոտ մեկ շաբաթ ուշ:
