Զապորոժիեում (Ուկրաինա) ձերբակալվել է Վրաստանի քաղաքացի Գոչա Կեվլիշվիլին, ով համարվում է քրեական հեղինակություն` «Գոչա Ռուստավսկի» անունով: Այս մասին այսօր հայտնել է տեղի ոստիկանությունը, հաղորդում է «ՌԻԱ Նովոստին»:

«Կեվլիաշվիլին ձերբակալվել է քաղաքի բազմահարկ շենքի բնակարաններից մեկում, որտեղ նա  թաքնվում էր իրավապահներից:  Չնայած քրեական հեղինակությանը պահպանում էր թիկնազորը, օպերացիան հաջողվել է իրականացնել առանց զենքի գործադրման», - ասել է ՆԳՆ ԳՎ քրական հետախուզության վարչության պետ Սերգեյ Պրուդչենկոն:

Նրա խոսքով` ներկայումս  քննարկվում է Ուկրաինայի տարածքից նրան արտաքսելու հարցը:

Կեվլիշվիլին անցած տարի ապրիլին նույնպես ձերբակալվել էր Զապորոժիեում, այդ ժամանակ դատարանը վճռել էր հինգ տարով արգելել նրա մուտքը Ուկրաինայի տարածք: