նախընտրելի դարձնել
Երեւանում այսօր` ապրիլի 7-ին ժամը 19:25-ի սահմաններում ավտովթար է տեղի ունեցել Շիրակի փողոցում:
Ինչպես NEWS.am-ին հայտնեց ֆոտոլրագրող Գագիկ Շամշյանը, միմյանց են բախվել «Օպել» մակնիշի վրացական HBH 195 համարանիշի եւ «Մերսեդես» մակնիշի 20 ՕՍ 152 համարանիշի ավտոմեքենաները:
Բախման արդյունքում, բարեբախտաբար զոհեր եւ վիրավորներ չկան:
Սակայն մինչ Ճանապարհային ոստիկանության ժամանումը, 10 րոպեից ավելի ճանապարհի նշված հատվածում երթեւեկությունը կաթվածահար էր եղել: Ավտոմեքենաների տերերը, նրանց ընկերներն ու հարազատները փողոցի մեջտեղում պարզաբանում էին, թե ով է մեղավոր, ինչն էլ հենց խցանման պատճառ էր դարձել:
Դեպքի վայր էին ժամանել Ճանապարհային ոստիկանության հետաքննչական բաժանմունքի հետաքննիչները:
Լուսանկարները եւ տեսանյութը՝ Գագիկ Շամշյանի
